Moin moin,
üm dat Sprakencafé maal wedder een beten antoheten, harr ik mi dacht, stell ik maal een Thread op Plattdüütsch op. Wokeen vun jo kann denn Platt snacken? Hebbt ji een Mööglichkeid in joon Ümgeven mit jichtenseen to snacken? Dat plattdüütsche Spraakrebeed, or anners seggt "Plattdüütschland" is ju nu al heel uutdünnt, wat de Sprekerkunzentratschoon bedrepen deit, dat dat jümmers swarer warrt, Gespreekspartners to finnen. Ik heff Platt as Grootöllerspraak leert un nu is dat so, dat mien Oma jümmers tüdeliger warrt un eer Dialekt sik to dull vun mien egen scheelt, dat se mi nich jümmers versteit. Ik kann Platt bloot noch snacken, wenn ik dat in de Volkshoogschool leer or all paar Maanden maal in us Stammdisch. Ik finn dat schaad, Platt is vundeswegen ook jümmers een beten rostig to`n Beginn. Bloot noch in de Hotspots, so as Oostfreesland, kann een Platt noch as Normaal- or Alldagsspraak finnen. Woans süüt dat mit joon Snackmööglichkeiden uut?
